Mamaritahon Denggan Basa ni Jahowa

1.     Dipapatar Debata do asi ni rohaNa di gulmit ni ngolu ni bangso Israel. Di tonga-tonga angka siapoto-oto, jolma si ahut arta jala angka jolma na pajolo gogo  papudi uhum. Ndang adong be na boi haposan nanggo apala sada suang songoni do nang angka raja naung pinabangkit ni bangso i sai tong do madabu tu  na so di halomohon ni Debata. Alai nangpe songon i, ndang sumurut asi ni roha ni Debata sian tongatonga ni bangso i.

2.     Diginjang ni angka sitaonon do gulmit ni ngolu i patarma  asi  ni roha ni Debata marhitehite na bangkit sada raja, Raja Dame. Jala ido na tapestahon tongon di minggu ta sadarion.

3.     Ayat 7a : Sai baritahononku do angka denggan basa ni Jahowa. Sada panindangion sian panurirang Jesaya di namarningot ibana di pandonganion ni Debata na tongon marmudumudu bangso Isarel sian angka haporsuhon sahat tu namanjalo haluaon marhite haroro  ni sipalua.  Molo tauji nuaeng tu dirinta ganup, angka aha ma tahe naung tabaritahon tu donganta jolma, ai nungga gabe sada hasomalan di jolma mansai maol mangingot angka na denggan na bihanen ni Debata di ngolu na, nang angka na binahen ni Jahowa pe tahe. Angka dia do na diingot? Angka hahurangan dohot angka na sala na binahen ni dongan, dungi simpan ma i dibagasan rohana. Jala gabe barita na so marnamontok do angka hansit ni roha,hahurangan i, sian generasi tu generasi. Bada ni ompung  na jolo sai dipodahon do tu angka gelleng.  Diujungna tubu na generasi angka na  mansai mura terpengaruh tu angka ulaon na so tama, jala ndang marhabiaran be gelleng  tu natuatua tarlumobi di jolo ni Debata. Molo adong dope roha sisiongon i, di tonga-tonga ni keluarga Krsiten unang salahon manang ise, ai nungga angka tona parpadaan hansit ni roha ditonahon tu nasida nangpe so ditanda bahkan ndang diboto nasida parbadaan sinajolo i.

4.     Ayat 7b : Hombar tu Asi ni Rohana. Asi ni Roha, mandapot  haluaon do bangso Israel sian sude angka hamaolon ala ni asi ni roha ni Debata. Godang ma tahe tongon asi ni roha ni Debata di tongatonga ni bangso i. Ndang marna montok asi ni rohaNa tu hita ganup. Ingkon hatindangkononta do i boi hita nuaeng marlas ni roha marpungu.  Marlas ni roha angka ianakhon na ro sian pangarantoan manopot natuatua na tinggal di bona ni pinasa on, marlas ni roha natuatua boi rap marpungu dohot gelleng. sude na i tahe da holan asi ni roha ni Debata. Molo taingot dope angka dongannta nuaeng adong dope naso haru boi dope marpungu dohot keluarga hinorhon ni angka hamaolon ni angka ekonomi, sompit ni partingkian. Dinginjang ni torop  dope angka donanta na  mansai maol patupahon pamingguon songon hita on alani hamaolon panjangkonon sian ugamo na asing.  Alai ndang na so sian pamotoan nang pamerengan ni Debata i luhut i. Di ginjang ni hinadokdokni sitaonon i, dao dope umbalga Asi ni RohaNa.

5.     Sahali nari asi ni roha gabe dasor ni Debata, jala  gabe haluaon ni bangso Israel. Tung so adong do boi dohonon tung manang aha naniula ni bangso i na palashon roha ni Debata, garia holan na mangarsahi rohani Debata do tahe.

6.     Ayat 8  Tongon do bangsoKu do nasida, “anak angka na so olo paotootohon”  Bangso manang halak na ni asian ni Debata ima angka jolma na manahan molo tungpe dokdok angka sitaonon. Manahan, marhaporusan sambing holan tu Debata. Di roha nasida ndang adong haluaon ndunghon nasian Debata.  Molo tapamanat ra nuaeng ro sangombas angka hamaolon solusi nomor piga nama tahe tabahen Debata? Boi do dohonon nungga gabe naparpudi sahali be i. Alana uju ro sisongon i tu dongan do parjolo taalualuhon, tu media sosial manang tu “namalo ni prtibion”. Halak na mangargahon asi ni roha ni Debata dada marpangunsandean tu pingkiran ni jolma manang na asing holan Debata do na gabe sipatua di ngoluna.

7.     Sada ilustrasi, dipanatapan ni sahalak dakdanak. Dipardalananna sai adong do dua bogas ni patna sada nari antar umbalga sian bogas ni pat na. Dihilala ibana adong na mandongani ibana ganup dipardalanan ni ngoluna. Di na sangombas masa na mansai maol di ngoluna, pola tung parir pangkilaanna. Diiada ibana ma, boasa holan sada bogas ni pat on, boasa tung tadingkononMu au? Dungi dialusi ma ibana, di nasa bogas ni pat i, bogas ni pat  hu do i. Ditingki hamaolon i, hulean tanganhu tu ho, huabing jala huompa ho laho mamolus hamaolon i. Sai didongani jala diiringiring Debata do langkata ganup di namasa angka las ni roha manang arsak pe. Sai tontong do satia Ibana dibagasan asi ni rohana parorot ngolunta.